म जनताको प्रश्न तिमि जनतालाई

मैले पनि नेताको जय जयकार नै गरिरहे ..... तर .........

नेताजी जय भन्छौ र जनता

फेरी नि भर्याङ्ग बन्छौ र जनता ?

आउदैछन् ति फेरी सपना बाड्न

रुदै आफ्नो पिडा कहन्छौ र जनता ?

हर कष्टबाट पार लगाइदिने

गुलिया बातमा बहन्छौ र जनता ?

जसलाई चुन्यौ उसैले तिम्रो

सुख ल्याउने दिन गन्छौ र जनता ?

उनीहरुले तिमीलाई बहक्याए भने

आफैं पुर्ने खाल्डो खन्छौ र जनता ?

कहिले पो उठ्छौ चीर निन्द्राबाट

कहिलेसम्म निर्धो रहन्छौ र जनता ?