Sunday, February 28, 2010

विवाहमण्डपबाटै खोसिइन् बेहुली


विवाहमण्डपमा जब बेहुलाले बेहुलीको सिन्दुर रंगाउन हात उठाउँछ, एकाएक अर्को व्यक्तिको प्रवेश हुन्छ, जसले बिहे रोक्छ र बेहुलीलाई उठाएर लैजान्छ 
फिल्ममा थुप्रै देखिने यस्तो दृश्य बुधबार कपिलवस्तुमा प्रत्यक्ष देखियो । विवाहमण्डपबाट बेहुलीलाई उनका प्रेमीले उठाएर लगे भने बेहुलीको सिन्दुर रंगाउन ठीक परेका बेहुला रित्तो हात फर्के । कपिलवस्तुको पत्थरदेइया-५ चौवाका रामबहादुर सुनारकी छोरी मञ्जुको रूपन्देहीको रुद्रपुर-८ का कुलबहादुर विकसित बिहे हुन लागेको थियो । जन्तीसहित बेहुली लिन आएको विक परिवारले फिल्मी शैलीमा बेहुली अर्कैले लैजाँदा हेरेकोहेर्‍यै हुनुपर्‍यो । मञ्जुको घरदेखि डेढ किलोमिटर टाढा पत्थरदेइया-४ अमलवानिवासी मधु गौतमसित दुई वर्षदेखि प्रेमसम्बन्ध रहेको खुलेको छ । बेहुलाकै पहिरनमा हुर्रिंदै आएका मधुले बेहुली लगेमा जन्ती फर्किन नदिने चेतावनी दिएपछि खाली हात फिर्ता पठाएको मञ्जुका बाबु रामबहादुरले बताए । उनका अनुसार मञ्जुले आफ्नो थर फेरेर घिमिरे लेख्दै आएकी थिइन् 
'उसको अर्कैसित लभ परेको रहेछ, हामीलाई थाहा भएन,' रामबहादुरले भने । उनका अनुसार मञ्जुले कुलबहादुरसित बिहेका लागि सहमति जनाएकी थिइन् । तर, विवाहमण्डमा सिन्दुर लगाउने वेला अर्का बेहुला प्रकट भएपछि सबै चकित परेका थिए । मधुले धम्की दिन थालेपछि केही समय तनाव उत्पन्न भएको थियो 
बेहुला रूपन्देही रुद्रपुरका विकले आफूलाई खालीहात पठाएर इज्जतमाथि दाग लगाइएको आरोप लगाएका छन् । जन्ती खाली हात फर्किएपछि घरमा अशुभ हुने भन्दै बेहुला विक परिवारदेखि टाढा गएका छन् । परम्परागत मान्यताअनुसार बिहेका लागि लगनगाँठो कसेपछि बेहुली नआए अर्कै भए पनि बेहुली भित्र्याउनैपर्छ । यता, मञ्जु र मधुलाई लिखित कागज गराएर बिदा गरिएको छ । बिहेपछि मञ्जुले आफ्नो नाटकका कारण विक परिवारलाई दुःख पर्न गएकोमा आत्मग्लानि महसुस गरेको बताएकी छिन् । यता, मन पराएकी बेहुलीलाई श्रीमतीका रूपमा पाउँदा खुसीको सीमा नै नरहेको मधुको प्रतिक्रिया छ । 'यस्तो बिहे कहिल्यै देखेको थिइनँ,' स्थानीय उमेश पौडेलले भने । 

नयाँ पत्रिका
कपिलवस्तु, १३ फागुन

Monday, February 15, 2010

दुइवोटा नेपाल : कोहीलाई उपचार गर्न इर अम्बुलेंस कोहीलाई नाइलनको डोरी

उपचार गर्न नसक्दा सामूहिक आत्महत्या
उपचार खर्च जुटाउन नसक्दा रुकुमको एक विपन्न परिवारकी छोरी र उनका वृद्ध आमाबाबुले सामूहिक आत्महत्या गरेका छन् ।
भलाक्चा १ का ७० वषर्य दलबहादुर ओली, उनकी ६८ वषर्ीया श्रीमती कली र २७ वषर्ीया छोरी तुलसाले आइतबार बेलुका झुन्डिएर सामूहिक आत्महत्या गरेका हुन् ।तुलसा लामो समयदेखि छारे रोगबाट पीडित भएको र उनको उपचारमा धेरै खर्च भएपछि ऋण तिर्न नसकेर आत्महत्या गरेको गाउँलेले बताए । आमा कली पनि पटकपटक बिरामी हुने गरेको र आर्थिक अभावकै कारण उपचार गर्न नसकिएको छोरा देविलालले बताए । 'स्थानीयस्तरमा धेरै उपचार गरियो तर सञ्चो हुन सकेन । उपचार गर्दागर्दै धेरै खर्च भएपछि जिल्लाबाहिर जान सक्ने अवस्था थिएन,' छोरा देविलाललाई उद्धृत गर्दै रुकुमका प्रहरी नायब उपरीक्षक होमजंग चौहानले भने, 'बेलाबेला यस्तो अवस्था हुनुभन्दा मर्न पाए हुन्थ्यो भन्थे । हामीहरू घरमा नभएको मौका पारी यस्तो गरेछन् ।' स्थानीय भागिमान बुढाथोकीका अनुसार छोरी तुलसाको उपचारमा यो विपन्न परिवारले एक लाख रुपैयाँभन्दा बढी रकम खर्च गरिसकेको थियो । तैपनि उनलाई निको नभएकामा बाबुआमा निकै पिरोलिएका थिए । उपचारका लागि धामीझाँक्रीदेखि सबैखाले उपाय गरिसक्दा पनि प्रयास व्यर्थ भएपछि ओली दम्पती विक्षिप्तजस्तै बनेको उनले बताए । 'छोरीको उपचार गर्न नसकेका कारण उनीहरू पागलजस्तै भएका थिए,' स्थानीय कली ओलीले भनिन्, 'केही गर्दा पनि निको नभएपछि आज यस्तो गरेछन् ।'
कलीका अनुसार तुलसाका बाबु एक साताअघि छोरीलाई भारतको दिल्ली लैजाने तयारीमा थिए । त्यसका लागि उनी आफ्नो घरमा पैसा सापटी माग्न आएको उनले बताइन् । छारे रोगकै कारण तुलसाको बिहे हुन नसक्दा आमाबुबा निराश भएको देविलालले बताए ।
तीनै जनाले घरनजिकैको चिउरीको रूखमा झुन्डिएर आत्महत्या गरेका थिए । आमाछोरी नजिकैको हाागामा एउटै खाले भिमलको डोरी र बुबा अलि माथिल्लो हाागामा छुट्टै खाले डोरीमा झुन्डिएको प्रहरी नायब उपरीक्षक चौहानले बताए । 'आमाछोरीले पहिले र बाबुले पछि आत्महत्या गरेजस्तो देखिन्छ,' उनले भने, 'अन्य चोटपटकको कुनै संकेत छैन ।'
पाँचजनाको यो परिवारका माहिलो छोरा आर्थिक अभावकै कारण रोजगारीका लागि भारत गएका थिए । जेठो छोरा देविलाल ससुरालीमा गएको मौका पारेर तीन जनाले आत्महत्या गरेको छिमेकीहरू बताउँछन् । उनीहरूले यसअघि पनि पटकपटक आत्महत्या प्रयास गरेको थाहा भएको छ ।
तीनै जनाको शव सोमबार जिल्ला अस्पताल सल्लेमा पोस्टमार्टम गरी छोरा देविलाल र छिमेकीहरूलाई बुझाइएको छ । उनीहरूले दाहसंस्कारका लागि शवहरू आफ्नै गाउँतर्फ लगेका छन् । घटनाको थप अनुसन्धान भइरहेको प्रहरीले जनाएको छ ।