Tuesday, June 28, 2016

अबहेलित किसान

बाझो छ खेत बाझो छ बारी उजाड बस्ति छ 
युवा छ अरब बुढो छ नेता उसैको मस्ती छ 
सुन् फल्ने खेतमा घर फल्न थाले बारीमा बन्मारा 
व्यवस्था भयो दलालको गुलाम किसानको ज्यानमारा

दुखले बाली लगायो उसले बगायो पसिना 

भित्र्याउने बेला प्रकृति ठग्छ बर्सिन्छ असिना 
खडेरी कहिले कहिले बाढी कहिले छैन मल 
पहिरोले खेत लान्छ्की भनि चिन्ताछ हरेक पल 

उब्जाउछ अन्न तरकारी फल बेच्नलाई ठाउ छैन 

लागेको खर्च उठाउन पनि बजार भाउ छैन 
दलाल खान्छ कसेर नाफा किसान मर्दैछ 
धान दिवस भन्दै सरकार भने प्रहशन गर्दैछ 

पसिना उसको पाखुरी उसको उब्जाउछ उसैले 

दमित उही गरिब उही हेर्दैन कसैले 
किसान जब बन्दैन यहाँ सम्मानको भागिदार 
देशको डुंगा गरिबी बाट लाग्दैन कसै पार